عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
ويرجى العلم بأنه يمكنك الاطلاع على المواضيع دون التسجيل

شكرا
ادارة المنتدي

Image Processing....not only project ...but our life

اذهب الى الأسفل

default Image Processing....not only project ...but our life

مُساهمة من طرف فلوريندا في السبت ديسمبر 11, 2010 3:46 am

السلام عليكم ورحمة الله وبركاتة

فى البدايه يابشمهندسين بتمنى بجد يبقى فيه تفاعل بالذات فى الموضوع ده لان ده ثورة علميه قلبت موازين كتيروهو بالنسبه لى ارقى علم احب اتعمق فيه من قبل ماادخل القسم وانا حاباه اوى بس للاسف لسه بحاول فيه السنه دى
وانه فى اى مجال ممكن نتعرضله فعلشان كدا لازم نتطرق ليه حتى لو على سبيل الدردشه
من سوء حظنا اننا مش بندرسه والقسم اللى بيدرسه اتصالات بس كماده مشروع مش ماده ااساسيه وكمان جامعات تانيه قليله وجامعات الدول العربيه واكيد يعنى الغرب وده مايمنعش اننا نحاول برده
القسم حالف ماينفعنا بمادة من 60 ماده بحاجه تفيدنا فى حياتنا

ان شاء الله يابشمهندسين الموضوع ده هيختص بالImage Processing

انا كنت بحثت فتره كدا ودورت كتير مع شويه معلومات فيه كفهم للموضوع ماشى ازاى مع معلومه من هنا على معلومه من هناك

وان شاء الله هحط كل حاجه انا لاقيتها هنا بس مش مره كدا علشان الناس ماتكرهوش من قبل ماتتبدى

........
.
.
.
ممكن ناس تعتبرها هيافه غلاسه انى بجيب نشاتها بس دى فى نظرى اهم حاجه لسبب انى لازم اعرف ظروف الناس دى كانت ايه علشان تدفعهم لاختراع علوم تبقى لمدى الحياة وكمان امكانيتهم ايه وليه احنا مش زيهم وان حجتنا الامكانيات بس اهو زى مابنشوف بتصدم الاخر يمكن اننا وقتها امكانيتنا احسن منهم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
1
original of image processing?


يرجع البعض نشأة المعالجة الرقمية للصورإلي أوائل العشرينيات من القرن العشرين حيث تم ابتكار نظام يدعي بارتلان لإرسال الصور عبر الأطلنطي خلال كابل تحت بحري وقد تم بواسطته اختزال الفترة من أسبوع إلي ثلاث ساعات وكان ذلك عن طريق تشفير الصورة باستخدام خمس مستويات للرمادي . بعد ذلك تم زيادة كفاءة النظام عن طريق زيادة عدد مستويات الرمادي إلي 15 . إلا أن هذا حسب تعريفنا لا يعد معالجة رقميةللصور نظرا لعدم وجود الحاسب آنذاك أصلا . بالتالي نستطيع القول أن أول معالجةرقمية للصورة بالمفهوم المعروف بدأت منذ ستينات القرن العشرين بعد ابتكار أول حاسبآلي ومروره بمراحل تطور معقولة وتزامنها مع عمليات استكشاف الفضاء وإرسال مركبات الفضاء لصور فضائية للأرض والتي كانت في حاجة للتحسين أو الاسترجاع .

بالموازاة مع التطبيقات الخاصة بالفضاءظهرت تطبيقات طبية تتمثل في التصوير الطبي وخاصة بعد ابتكار
"المسح بالحاسب

computerized tomography, CT
والتي يمكن عن طريقها رسم صور مجسمة ثلاثية الأبعاد للمريض أولهدف ما عن طريق مصدر للأشعة السينية وحلقة من مجسات الأشعة السينية تحيط بالهدف حيثيتم تحريك مصدر الأشعة دائريا ثم تحريك المجسات خطوة بخطوة رأسيا .

من التطبيقات الشيقة الأخرى والتي طورت منذ الستينات وحتى الآن ، تحسين التباين أو تحويل مستويات الشدة intensity إلي ألوان لتسهيل فهم واستيضاح صور الأشعة السينية والصور الأخريفي الصناعة وفي المجالات الحيوية .


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
2
important of image processing
?


. تحسين المعلومات المصورة لتسهيل تفسيرها وفهمها للبشر -.
معالجة بيانات الصورة لأغراض (التخزين على أوساط مختلفة ، إرسال الصورة من مكان لآخر بأقلعرض نطاق ممكن ، الإدراك الآلى للصورة ومحتوياتها بدون مساعدة بشرية وهذا قليل منكثير من أغراض المعالجة الرقمية للصور.).
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


3
-diff - image processing &image recognation


بكل بساطه وبدون دخول فى تفاصيل

image processing :
دى عمليه بتتم على الصورة لمعالجتها اننا بنغير فى خواصها زى الاضاءة واظهار التفاصيل على حسب الغرض منها وده هتظهر فى التطبيقات ان شاء الله لو حد استمر فى العلم ده



image recognation

دى عمليه التعرف على صورة مخزنه عنده وان يكون له القدرة على التعرف عليها حتى لو حصل اى تغيرات فى الوجه مثلا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ



ودى كان كتير من المشاريع اللى كانت فى القريه الذكية واللى شاف (MIE)
منها كان تحت الصف التانى من ناحيه الباب اللى كانوا مشاريع شبكات وكان منهم جامعه المنصورة
وبرده اجهزة طبيه الدور التانى اول صف



ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


4
diff -image processing&photoshop



ايه ده هو فيه اصلا وجهه مقارنه بينهم
اه طبعا الاتنين بيطلق عليهم برامج معالجه الصور وكمان الاتنين فيهم حاجات من بعض زى الBrightness مثلاودوال بتؤدى الاغراض اللى بتعلب فى حته الاضاءة والتدرجات دى
طيب ماشى ايه الفرق!!!!!


photoshop:

1-ده بيعالج الصور وبيغير فى الاضاء ومستوى تدرج الالوان بس من بره ومش بالدقه اللى احنا عاوزينا وكمان هو مش متخصص اوى فى الجزئيات دى هنا يعتبر قشور وله تخصصات تانيه بيكون اقوى فيها ده الفوتوشوب برده


2-end user
يعنى ايه البتاع اللى انتى قولتيها دى يعنى اللى اخترع الفوتوشوب لو تفتكروهم الامامير دول جون وتوماس الاخوات
لما اخترعوا البرنامج حطوا ادوات وقوائم ثابته انا كمستخدم عادى مانفعش اضيف ليها ادوات او قوائم بشتغل عليه كدا زى ماهو

--------------------------------------------------------------
اما
image processing

1-بيستخدم دوال للتحكم فى كل بيكسل فى الصوره زى ماانا عاوزبمنتهى الدقه وبيحول الصورة للمصفوفات وعن طريقها بيتحكم فى الصورة
فى حاجه جت فى دماغى كمثال لتوضيح الفرق فى النقطه دى
عارفين لما حد يبقى عاوز يحسن درجه لون البشره قدامه حلين

1-1-انه يستخدم اعشاب وخضار وحاجات طبيعه انها ياكلها ويبقى التغذيه من الجسم ولمكونات الداخليه للبشره نفسها وده الاحسن طبعا وهو زى image processing بيلعب فى الاساس من جوه.


2-1
اما يستخدم معالجات خارجيه زى الماسكات مثلا وده مش حاجه بروفشنال للتعديل فى مستويات الاضاءة والتعديلات الدقيقه للتدرجات الاضاءة وده زى الفوتوشوب فى معالجه الصور.


2-not end user
استخدم دوال زى ماانا عاوز واغير براحتى مالوش حاجه عندى





بس كدا علشان عارفه ان الامتحانان وماحدش هيفتح الموضوع بس يكفينى ان عملت الموضوع وبداته وانى ان شاء الله ان كان ليا عمر
هستمر فى وضعه حتى لو المنتدى اتقفل وماحدش رد هعتبرنى بكلم نفسى


بالتوفيق يابشمهندسين والمسلمين اجمعين



سلام عليكم


عدل سابقا من قبل فلوريندا في السبت ديسمبر 11, 2010 11:34 pm عدل 9 مرات
avatar
فلوريندا
Moderator
Moderator

انثى عدد الرسائل : 2691
القسم : حاسبات
المزاج :

الرجوع الى أعلى الصفحة اذهب الى الأسفل

default رد: Image Processing....not only project ...but our life

مُساهمة من طرف pro.eng في السبت ديسمبر 11, 2010 10:32 am

متابع..... وبالتوفيق ان شاء الله

pro.eng
.
.

ذكر عدد الرسائل : 742
القسم : حاسبات
شخصيتك : الدماغ العاليه
الفرقه : الرابعه
المزاج :

http://ashraf7amdy.blogspot.com/

الرجوع الى أعلى الصفحة اذهب الى الأسفل

default رد: Image Processing....not only project ...but our life

مُساهمة من طرف cendrella88 في السبت ديسمبر 11, 2010 12:20 pm

كملى ياقمر انا متابعه معاكى
avatar
cendrella88
.
.

انثى عدد الرسائل : 368
القسم : حاسبات
شخصيتك : بحب الهزار
الفرقه : الثانيه
المزاج :

الرجوع الى أعلى الصفحة اذهب الى الأسفل

default رد: Image Processing....not only project ...but our life

مُساهمة من طرف woody في السبت ديسمبر 11, 2010 12:32 pm

زي الفل والله نفسي اتعلمة بس مش لاقي حد يشجعني
متابع ان شاء الله
وجزاك الله كل خير
avatar
woody
.
.

ذكر عدد الرسائل : 308
الهوايات : حجات كتيييير
القسم : حاسبات
شخصيتك : جاد جدا
الفرقه : الرابعه
المزاج :

الرجوع الى أعلى الصفحة اذهب الى الأسفل

default رد: Image Processing....not only project ...but our life

مُساهمة من طرف M.M.F في السبت ديسمبر 11, 2010 1:36 pm

تمام جداا , متابعين مع حضرتك
Excellent
مستنى الحديث عن
Real Time Image Recognition
3D Object Recognition

Smile
========================
كان فى مشكلة قابلتنى قبل كده متعلقة بالموضوع ده - حبيت اشاركها

كنت بعمل حاجة زى لعبة سيارات بالأبلت - الهدف منها تعلم اكتشاف التصادم على الصورة RGB
http://applet.eng-mmf.com/RGB_Collision_Detection/RGB_Collision%20Detection.html
كان الفكرة ان سهل جداا اقدر اكتشف التصادم بين الماوس او المكعب
لو انا اللى راسم الطريق برمجيا مثلا
drawRect, drawArc

اما هنا الطريق عبارة عن صورة جاهزة


فكان من الصعب جداا اكتشف حدود الطريق - و اقدر اكتشف التصادم لو الماوس او المربع خرج من الطريق
- انا طبيعى هقدر اجيب احداثيات الماوس او احداثيات المربع على الصورة
- لكن الطريق مليان الوان كثير صعب اكتشف التصادم

فكان الحل عمل صورة ابيض و اسود ( هى مش ابيض و اسود قوى - ابيض و رصاصى )

و اخد احداثيات الماوس او المربع ومقارنة النقطة على الصورة ( الابيض و اسود ) فاذا كانت النقطة
تقع على الجزأ الابيض فان الماوس او المربع خارج الطريق و بالتالى يصدر صوتا
و اذا كانت النقطة على الجزأ الرصاصى فانها على الطريق Smile

يارب تكون اضافة كويسة للموضوع الجميل ده

بالتوفيق ان شاء الله
avatar
M.M.F
Moderator
Moderator

ذكر عدد الرسائل : 1345
الهوايات : Reading
القسم : حاسبات
شخصيتك : الدماغ العاليه
المزاج :

http://www.eng-mmf.com

الرجوع الى أعلى الصفحة اذهب الى الأسفل

default رد: Image Processing....not only project ...but our life

مُساهمة من طرف فلوريندا في السبت ديسمبر 11, 2010 6:31 pm

M.M.F كتب:تمام جداا , متابعين مع حضرتك

مستنى الحديث عن
Real Time Image Recognition
3D Object Recognition


Recognition
ده موضوع تانى خالص يابشمهندس بس على العموم مافيهاش حاجه يعنى لما نتكلم عنه مادام اول مرة نتعرضله فاءن شاء الله نشوفه
وفيه مشروع السنه اللى فااتت عندنا كان فى المعمل المكيف كان شغال فى موضوع Image Recognition
ومنهم البشمهندسة ايمان المعيدة السنه دى لو حد هيشتغل فى المشروع Image Recognition
ولو عاوزين اى حاجه انا ليا ناس اعرفهم وهما ماشاء الله متعاونين جدااااا



M.M.F كتب:
========================
كان فى مشكلة قابلتنى قبل كده متعلقة بالموضوع ده - حبيت اشاركها

كنت بعمل حاجة زى لعبة سيارات بالأبلت - الهدف منها تعلم اكتشاف التصادم على الصورة RGB
http://applet.eng-mmf.com/RGB_Collision_Detection/RGB_Collision%20Detection.html
كان الفكرة ان سهل جداا اقدر اكتشف التصادم بين الماوس او المكعب
لو انا اللى راسم الطريق برمجيا مثلا
drawRect, drawArc

اما هنا الطريق عبارة عن صورة جاهزة


فكان من الصعب جداا اكتشف حدود الطريق - و اقدر اكتشف التصادم لو الماوس او المربع خرج من الطريق
- انا طبيعى هقدر اجيب احداثيات الماوس او احداثيات المربع على الصورة
- لكن الطريق مليان الوان كثير صعب اكتشف التصادم

فكان الحل عمل صورة ابيض و اسود ( هى مش ابيض و اسود قوى - ابيض و رصاصى )

و اخد احداثيات الماوس او المربع ومقارنة النقطة على الصورة ( الابيض و اسود ) فاذا كانت النقطة
تقع على الجزأ الابيض فان الماوس او المربع خارج الطريق و بالتالى يصدر صوتا
و اذا كانت النقطة على الجزأ الرصاصى فانها على الطريق

يارب تكون اضافة كويسة للموضوع الجميل ده

بالتوفيق ان شاء الله

اضافه كويسه جدا وفكره جميله جدااا
الفكرة دى انا شوفتها فيديو وانا ببحث بس كان على ربوت صغير كان قدامه طريقين طريق اخضر وطريق احمر وهو بيقدر يميز بين الطريقين
وده كان باستخدامImage Processing
وطبعا مادام ذكرنا ربوت يبقى النيورال احسن طريق لعمل ربوت ناجح بيمشى بدقه عاليه وانا فرحانه اوى اننا هندرسه

جزاك الله خيراً يابشمهندس ربنا يزيدك واحنا والمسلمين ان شاء الله


وبجد انا مبسوطه جداااااااا اننا نشجع بعض حتى لو باى معلومه يكفى اننا بنحاول
واكيد ربنا مش هيضيع ده ان شاء الله



سلام عليكم

avatar
فلوريندا
Moderator
Moderator

انثى عدد الرسائل : 2691
القسم : حاسبات
المزاج :

الرجوع الى أعلى الصفحة اذهب الى الأسفل

default رد: Image Processing....not only project ...but our life

مُساهمة من طرف الموحده في السبت ديسمبر 11, 2010 7:22 pm

جزاك الله خيرا يا فلو
موضوع مفيد جدا وان شاء الله كلنا نستفيد منه
avatar
الموحده
.
.

انثى عدد الرسائل : 163
المزاج :

http://www.way2allah.com

الرجوع الى أعلى الصفحة اذهب الى الأسفل

default رد: Image Processing....not only project ...but our life

مُساهمة من طرف sahab في السبت ديسمبر 11, 2010 9:17 pm

ثانكث يا مور ع المجهودات العذيمه دى Excellent
avatar
sahab
.
.

انثى عدد الرسائل : 276
القسم : حاسبات
شخصيتك : شخصيتك...
المزاج :

الرجوع الى أعلى الصفحة اذهب الى الأسفل

default رد: Image Processing....not only project ...but our life

مُساهمة من طرف NourEl2mar في السبت ديسمبر 11, 2010 9:34 pm



متابع باهتمام


وجزاك الله خيرا على الشرح الجميل ده

avatar
NourEl2mar
.
.

ذكر عدد الرسائل : 1460
الهوايات : ...

الرجوع الى أعلى الصفحة اذهب الى الأسفل

default رد: Image Processing....not only project ...but our life

مُساهمة من طرف muslima في السبت ديسمبر 11, 2010 10:56 pm

جزاكم الله خيرا
بانتظار باقي المواضيع
avatar
muslima
.
.

انثى عدد الرسائل : 207
الهوايات : reading-Design
القسم : حاسبات
الفرقه : الرابعه
المزاج :

الرجوع الى أعلى الصفحة اذهب الى الأسفل

default رد: Image Processing....not only project ...but our life

مُساهمة من طرف فلوريندا في الأحد ديسمبر 12, 2010 12:15 am

الجزء التانى
5
meaning of Image Processing?

المقصود بالمعالجة الرقمية للصور:
يمكن تعريف أي صورة علي أنها دالة ذات بعدين two dimensional function د(س ، ص) حيث س ،ص هما إحداثيات مستوية ، وتسمي قيمة الدالة د عند أي زوج من الإحداثيات بـ "المستوي الرمادي" graylevel أو الشدة intensity عند هذه النقطة .تسمي الصورة بـ " الصورة الرقمية" عندما تكون قيم س ، ص ، د كلها تنتمي لمجموعة من القيم المحددة discretequantities . عندما تتم معالجة الصور الرقمية بواسطة الحاسب الرقمي يسمي هذا المجال بـ"Image Processing" .

مماسبق نجد أن الصورة الرقمية تتكون من عدد محدود من العناصر لكل منها موقع وقيمة محددين . تسمي هذه العناصرpicture elements أوimageelements أو pixels .
من المعروف أن الصورة تلعب دورا هاما في اكتساب البشر للمعلومات.

إلا أن الإدراك البشري للصورة ينحصر في تلك الصور التي تقع في النطاق المرئي من الطيف الكهرومغناطيسي .
خلافا لذلك نجد أن آلات التصوير تستطيع تغطية الطيف الكهرومغناطيسي كله بداية من أشعة جاما وحتى أمواج الراديو . من أمثلة ذلك الصورالمولدة بالموجات فوق الصوتية والصورالمولدة بالحاسب والتصوير بالمجهر الإلكتروني و....
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
6
الفرق "معالجة الصور" و "تحليل الصور" و "الرؤية باستخدام الحاسب".

معالجة الصور-Image Processing-: هي عملية يكون دخلها صورة وخرجها صورة أخرى مثل تحسين الصورة .



الرؤية باستخدام الحاسب: تهتم بمحاكاة قدرة الإنسان علي الرؤية بما يتضمن القدرة علي التعلم والاستنتاج واتخاذ ردود أفعال بناء علي مدخلات بصرية .

وتعد الرؤية باستخدام الحاسب أحد أفرع علم الذكاء الاصطناعي الذي يهدف عامة إلى محاكاة القدرات البشريةالذكية .


مجال تحليل الصور:يعد مجالا متوسطا بين الرؤية بالحاسب ومعالجة الصور .


يصعب إلى حدما إيجاد حدود فاصلة بين هذه المواضيع الثلاثة (معالجة الصور ، وتحليلها والرؤية بالحاسب) .


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
7
تقسيم العمليات التي يستخدم فيها الحاسب في مجال image processing إلي ثلاث مستويات :

1- عمليات ذات مستوي منخفض والتي تتضمن إزالة التشوه وتحسين التباين وزيادة حدةالصورة . ويمكن وصف هذه العمليات بأنهاتلك العمليات التي يكون دخلها صورة وخرجها صورة .

2- عمليات ذات مستوي متوسط والتي تتضمن تقسيم الصورة إلى مناطق أو عناصر ثم وصف هذه العناصر لاختزالها إلي تمثيل صالح للمعالجة بالحاسب ، كما تشمل أيضا عمليات التعرف علي عناصر محددة بالصورة . ويمكن وصف عمليات المستوي المتوسط بكونهاعمليات يكون دخلها صورة وخرجها خصائص وسمات مستخلصة من هذه الصورة ، مثال ذلك أطرالعناصر وهوية تلك العناصر .

3- عمليات ذات مستوي عال وهذه تتضمن عملية فهم أو إدراك “makingsense” لمجموعة من العناصر التي تم التعرف عليها وفي قمة عمليات هذا المستوي تأتي عمليات التعلم واكتساب المعرفة المرتبطة بالرؤية بالحاسب .ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

متهيألى كفايه أوى كدا علشان الكلام ده ممكن يكون عاوز تركيز شويه فنركز واللى واقع منه حاجه نتناقش كلنا فيها ان شاء الله
وياجماعه مش لازم كل حاجه تكون واضحه اوى لان ده بيبان فى التطبيقات بتاعها وعلشان العلم جديد فاحنا مش هنبقى لمسين المعلومه اوى
اى شىء فى بدايته كدا بس لما بنعرفه واحده واحده كل ده بيتلاشىء باءذن الله

والمره الجايه التطبيقات ان شاء الله



سلام عليكم



avatar
فلوريندا
Moderator
Moderator

انثى عدد الرسائل : 2691
القسم : حاسبات
المزاج :

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى