عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
ويرجى العلم بأنه يمكنك الاطلاع على المواضيع دون التسجيل

شكرا
ادارة المنتدي

سوء تفاهم

استعرض الموضوع السابق استعرض الموضوع التالي اذهب الى الأسفل

default سوء تفاهم

مُساهمة من طرف pixicata في الأحد مايو 30, 2010 9:08 pm

السلام عليكم

أنا كنت عايزة أفتح موضوع
خاص بعلاقتنا كدفعة واحدة من ثلاث سنين


في زعل كتير حاصل
اليومين دول نتيجة سوء تفاهم كبير و نتيجة سهولة إنتشار
الإشاعات
أنا مش هتكلم في إيه سوء التفاهم ده ولا هالووم حد

أناعايزة أقول إني مستغربة من اللي حاصل أنا لو في حد أعرفه و بحترم لشخصيته و بحب التعامل معاه و عشت معها أكتر من سنتين .. و لأن في ناس كتير بتحبه وعايزة تبقى معاه و هو بيحيبهم و مش عايز يسيب حد منهم إتخذ قرار غير حكيم من غير ما يقصد .. أعاقبه بقى؟

طب في الإسلام المفروض ألتمس ل أخي المسلم ٧٠ عذر
و هو أنا خلاص مش ‎بغلط أبدا
فا
مش مستحمله حد يغلط فيا



أنا مش منتظرة أي ردود فعل من حد لأن دي حاجة بينك و بين ربنا ..

سلام عليكم
avatar
pixicata
.
.

انثى عدد الرسائل : 111
المزاج :

http://pixicat.catreloaded.com/index.php

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف future في الأحد مايو 30, 2010 9:51 pm

السلام عليكم

أولا مرسي يا مريم انك كنتى صاحبة المبادرة وقلتى الكلمتين دول

ثانيا

انا ليا عتاب كبير على اخواتى

أنا بجد حبيت الدفعة دى من قلبي ومن غير ما يكون فى أى مصلحة واعتقد ان اللى يعرفنى منكوا وأغلبكوا تعرفونى أنا مش بتكلم من منطلق مصلحة ولا بتعامل من منطلق حاجة غير بجد الحب فى الله وفقط
من منطلق الأخوة والصداقة اللى بتجمعنا واللى هتسيب بينا ذكرى لخمس سنين من عمرنا
مش فترة قليلة ولا مش مهمة

دى أهم وأحلى فترة بنعيشها فى حياتنا

أنا اتكلمت وقلت فىالأول اخواتى وقصدت الكلمة بجد لأن انتوا فعلا اخواتى اللى بعتز بيهم

وعمرى ما هزعل منهم مهما عمل حد فيهم
لكن ممكن أعاتبهم اه

أنا مش هذكر مواقف لأنى مش بحب أخصص حالات
لكن بالله عليكوا يا جماعة الاسلام علمنا اننا منتكلمش كلمة على حد من غير ما نعرف مصدرها وقوتها

لا ده الاسلام أصلا قالنا ان دى اسمها غيبة حتى لو هى فيه
فما بالكوا لو هى مش فيه يبقى أعوذ بالله اسمها بهتان وافك


يا شباب أنا والله ما زعلانة من حد
لكن اللى مزعلنى من جوايا ان فى حد اتكلم كلمة من غير ما يراجع أخوه أو اأخته فيها
ليه ؟!!

قبل ما تنطق كلمة وحش على حد من أخواتك لازم تروحله وتفهم منه وتتعامل من منطلق حسن الظن فى الأول
مش لأنك متنرفز من حد - وده لأنك فاهم غلط أصلا - وحتى محاولتش تفهم الصح

تروح وتتكلم
والكلمة تبقى عشرة والعشرة تبقى مية وفى الاخر أخوك أو أختك تكتشف ان فى كلام بجد أعوذ بالله انه يكون فى حد فينا



يا شباب أنا والله بحبكوا فى الله وعمرى ما أزعل من حد
لكن كمان بالله عليكوا محدش يتكلم كلمة ولا حد يسمح لنفسه انه يسمع كلمة غلط أو يصدق كلمة غلط على حد من غير ما يتأكد من صحتها
مش الكلمة تبقى مليون وكلام عمر ما حد قاله ولا عمله أصلا


وخصوصا كمان انكوا تعرفوا عن الشخص ده انه عمره فى حياته ما زعل حد منه
وانه أصعب حاجة عليه ان ممكن يجرح حد أو يتعالى على حد



عشمى فيكوا انكوا هتفضلوا اخواتى
وكل كلمة اتقالت من ورايا ووصلتنى أنا نسيتها لكن مستنية كل حد عاوز يعاتب أو يفهم يجيلى ويكلمنى
ساعتها هحس اننا فعلا اخوات وبنحسن الظن ببعض

وبنطبق أبسط مبدأ من مبادئ ديننا وعقيدتنا


ربنا يعنا جميعا يارب
ووالله كنت أتمنى ان المشروع يكون حاجة الدفعة كلها بتعملها مع بعض لأنى أتمنى أشتغل مع كل واحد فيكوا وربنا يعلم مدى صدق كلمتى
لأنى مؤمنة ان كل واحد فيه طاقة غير اللى موجودة فى التانى وان كلنا بنكمل بعض

لكن القانون بيقول ان لازم نختار و تتكون مجموعات
لكن برضه هنفضل أخوات
وهنفضل مع بعض
وفى مشاريعنا حتى لو فى جو تنافس لكن قبله فى جو أخوة صافية وصادقة من القلب


ربنا يعز بيكوا أمته يا شباب
وأشوفكوا دايما على خير وحب وألفة ما بينا
ونسيب ما بيننا ذكرى حلوة نحكيها لولادنا

ومين عالم
الدنيا صغيرة وأكيد هنتجمع كتير بعد كده



بحبكوا فى الله

avatar
future
.
.

انثى عدد الرسائل : 530
الهوايات : writing, drawing, human development , imagination & thinking
القسم : حاسبات
شخصيتك : هادي
المزاج :

http://www.90daraga.com

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف eng.roma في الأحد مايو 30, 2010 10:18 pm

أيوة كويس فعلا انكم فتحتوا الموضوع ده عشان أنا كنت عاوزة اتكلم فيه ومش راضية
بس فعلا الموضوع ده مستفز وانا أول مرة احس ان الناس منفسنة اوى كده وشايلة من بعض
وبصراحة الكلام كتر اووووووووووى وموضوع المشروع ده زعل ناس كتير من بعض
يعنى ايه حد يتحيز ويقول انا مش هاشتغل مع الفئة دى من النااس وهاعمل جروب فيه كل صحابى
أظن ماينفعش نحكم على بعض بالطريقة دى تحيز بدون سبب مقنع م الاخر يعنى

وفى حاجات تانية برده كتير ماينفعش تتقال والكل عارف بس انا كنت فاكرة ان المشروع ده
كان هيبقى احسن حاجة تجمع الدفعة كلها والله على أساس اننا هنحس اننا بنشتغل كلنا فى روح تعاون
ودى حاجة مفتقدينها وعمرى ماحسيتها ف الدفعة دى بجد فعلا
فين الزمالة والعشرة وحاجات كتيييييييييييير اوى ولا دى كمان راحت مع اللى راحوا ف 67
عموما ربنا يوفق الجميع وياريت يبقى فى تعاون بين الناس اكتر من كده لاننا دفعة واحدة ف الاول والاخر
avatar
eng.roma
.
.

انثى عدد الرسائل : 344
القسم : حاسبات
شخصيتك : طيب
المزاج :

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف زهرة الاسلام في الأحد مايو 30, 2010 11:11 pm

[size=18]في
البداية الحمد لله ان انا مدخلتش في الحوارات دي معاكم



انا طبعا مش فاهمه بالضبط ايه المقصد الحقيقي من اثارة الموضوع ده
لان واضح انكم عايزين توصلوا حاجة معينه لناس معينه ... هو اكيد الموضوع فيه غموض شويه بس ما علينا

المهم كل واحد يحاسب نفسه ويعرف يتعامل ازاي مع اللي
حواليه لان انا ملاحظة ان كلام الشعارات كتر اوي يعني مفيش بجد اسهل من الكلام احنا عارفين حاجات كتير
اوي وماشاء الله علينا نتكلم كويس جدا .... طيب فين الفعل!!!! وده بصرف النظر عن كلامك يعني وغير كده اكيد اكيد لو
انسان هيظن سوء نتيجه فهم الموضوع بمقصد تاني فمستحيل يجتمع علي نفس الرأي اكتر من شخص حصل معاهم نفس الموقف

وبعدين حرام الناس تخسر بعضها علشان الكليه الكئيبه دي بجد شيء محــــــــزن
ياريت كل حد فينا يحاول مهما كانت اي حاجة كبيرة او صغيرة تتعلق بالكليه انه يفصلها تماما عن علاقته مع غيره
لان لو كل حاجة متعلقة بمصلحه بينا وبين بعض حصل فيها مشكله والناس اتفرقت عليها
يبقي

فعلا التعامل بينهم مكنش مبني علي مبدأ مودة او حب في الله ده كان مبني بقي علي مبدأ المصلحه



في حاجة تانيه انت تقدر توصل للي قدامك عدم تقبل موضوع معين بس بطريقة تحسس اللي قدامك انه انسان زي بقية البشر مش اكتر

طبعا تاكيد للمرة المليون انا والله العظيم ما دخلت في الحوارات دي لان ممكن حد يفتكر ان كلامي ده نتيجة موقف معين معاهم


اتمني كلامي مش يضايقك يافيوتشر انتي وبيكسي بس انا بتكلم من منطلق بس ان كل انسان يقف بجد ويحاسب نفسه لان احنا بشر واكيد احيانا بيصدر عننا حاجات احنا مش حاسين بنفسنا فيها ..... بس اللي قدامك يقدر يقيمك كويس


بجد ياجماعه ياريت الناس ترجع زي الاول مع بعضها حــــــــرام والله اللي بيحصل ده وللاسف في ناس عندهم اكتفاء دلوقتي بنفسهم وبس مش عايزين يبقي في اي تعامل بينهم من اي نوع وبين اي حد ...... ربنا يرحمنا بجد

avatar
زهرة الاسلام
.
.

انثى عدد الرسائل : 644
القسم : حاسبات
شخصيتك : بحب الهزار
الفرقه : الرابعه
المزاج :

http://www.elnaggarzr.com/

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف Wa7ed Min El Nas في الأحد مايو 30, 2010 11:59 pm


يا نهار أبيض

كل ده علشان مشروع التخرج

طيب اللي لسه مدخلش ف جروب يقولي علشان نعمل فريق جامد ونلحق ندخل بيه كاس العالم Very Happy

JK Wink

أعتقد إن الموضوع ليه أبعاد كتيرة - مش بس مشروع وكلام من ده Smile

إن شاء الله لينا عودة بس الواحد يكون فايق شوية


وربنا يهدي النفوس - الدنيا بحالها مش مستاهله الواحد يزعل عليها





Wa7ed Min El Nas
.
.

ذكر عدد الرسائل : 1767
الهوايات : Computer & FootBall
المزاج :

http://www.arabfilms.org

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف Gawish في الإثنين مايو 31, 2010 3:12 am

حد منهم إتخذ قرار غير حكيم من غير ما يقصد .. أعاقبه بقى؟

طب في الإسلام المفروض ألتمس ل أخي المسلم ٧٠ عذر
و هو أنا خلاص مش ‎
بغلط أبدا
فعلا الكلمتين دول مهمين جدا
وياريت كل الناس تطبقهم فى حياتهم
وربنا يصلح الحال
وتعود المياه الى مجاريها
avatar
Gawish
.
.

ذكر عدد الرسائل : 3464
الهوايات : اكيد مش المذاكرة
القسم : حاسبات
شخصيتك : رخم
الفرقه : الثالثه

http://www.mcse.lifeme.net

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف روح في الإثنين مايو 31, 2010 8:17 pm

بسم الله الرحمن الرحيم

مع انى مليش دعوه بالموضوع ولا لى دخل فيه

بس قولت اقولكم حاجه جايز اللى حصل سوء فهم او سوء تصرف او سوء تقدير

المهم انى زهقت من اللى بيحصل فى الدفعه ده والسنه دى بالذات

امتى ترجع سنه اولى اللى كنا فيها بجد حاجه ثانيه

اقولكم احلى حاجه تعملوها اللى زعلان من حد يروح يقوله

ولو فاهم غلط هتتحل المشاكل ولو فاهم صح يبقى اللى غلط يعتذر ويعرف غلطه

ومش عيب ولا حاجه وحشه اننا نقول احنا غلط

سعات كتير ممكن نكون حاسين اننا صح وبنكون غلط وبرده ممكن نكون صح ومحدش فاهم احنا صح ليه

صفوا نفوسكم من بعض يا جماعه لان بجد كده بقى كتير اوى

فى الاخر كلها سنه ونسيب بعض وكل واحد يروح لحاله مش مستهله نخسر حد علشان الكليه

اللى بقت تعيي دى

فى الاخر اللى بيتعب بيلاقى واللى عايزه حاجه بيعملها

اهم حاجه يا بكسى انتى وفيوتشر ان لو حد زعلان يصفى من جوه

شوفوا انتوا زعلتوا مين وليه وفكروا اللى عملتوا صح ولا لا وخلى نفسكم مكان الناس دى

وقتها هتعرفوا الناس زعلت ليه وفى ايه

وبرده المسامح كريم

ومش انتوا بس كل الناس اللى زعلانه من حد بجد احسن حاجه تعاتبهم هترتاح ومش هتظلم حد

ربنا يهدينا يا رب وترجع دفعتنا احسن دفعه فى الكليه ونرجع نحب بعض ثانى ونخاف على بعض

ربنا يكرم كل الناس
avatar
روح
.
.

انثى عدد الرسائل : 552
القسم : حاسبات
شخصيتك : طيب
الفرقه : الثالثه

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف future في الإثنين مايو 31, 2010 9:00 pm



بجد حزينة
No Comment ...


اللهم انك تعلم سري وعلانيتى أنت وكيلي ووليي
ياااااااااااااارب
avatar
future
.
.

انثى عدد الرسائل : 530
الهوايات : writing, drawing, human development , imagination & thinking
القسم : حاسبات
شخصيتك : هادي
المزاج :

http://www.90daraga.com

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف future في الإثنين مايو 31, 2010 9:12 pm

شكرا لكل حد ظن بيا خير وجه كلمنى النهاردة


شكرا لكل حد كان نقى بجد من جواه ناحيتى
ومنتظرة اللى يعاتبنى وأشيله فوق راسى وأقوله حقك عليا حتى لو أنا مغلطتش بس كفاية انك جيتلى وعاتبتنى


واللى مش هييجى
ربنا يعلم انى برضه مسامحه أى حد
لأن مفيش حد بيزعل من اخواته
avatar
future
.
.

انثى عدد الرسائل : 530
الهوايات : writing, drawing, human development , imagination & thinking
القسم : حاسبات
شخصيتك : هادي
المزاج :

http://www.90daraga.com

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف For Islam في الإثنين مايو 31, 2010 9:31 pm

الموضوع طبعا انا زهقت كلام فيه..

بس عندي اقتراح ليكي يافيوتشر..ايه رأيك ماتبدأي انتي وتعاتبي الناس اللي اساءت الظن بيكي

المفروض انك عرفاهم او على الاقل عارفه بعضهم

واكيد برده هم مش فاهمين انهم اساءوا الظن بيكي ... وبالتالي مش هيجيلك يعاتبك في حاجه المفروض انها في وجهة نظرهم انتي غلطانه فيها وغلطانه في حقهم

انا اعرف عنك كتيير يافيوتشر وعارفه انك شخصيه قياديه وقبل كل اجتماعيه وبتحافظي على علاقتك باصحابك
فخليكي انتي صاحبة المبادره ... صدقيني هتفرق كتييير معاكي ومعاهم ..وطبعا هتخدي ثواب كمان

وتقبلي مروري
avatar
For Islam
Moderator
Moderator

انثى عدد الرسائل : 2093
القسم : حاسبات
شخصيتك : هادي
المزاج :

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف زهرة الاسلام في الإثنين مايو 31, 2010 10:16 pm

For Islam كتب:

بس عندي اقتراح ليكي يافيوتشر..ايه رأيك ماتبدأي انتي وتعاتبي الناس اللي اساءت الظن بيكي

المفروض انك عرفاهم او على الاقل عارفه بعضهم

واكيد برده هم مش فاهمين انهم اساءوا الظن بيكي ... وبالتالي مش هيجيلك يعاتبك في حاجه المفروض انها في وجهة نظرهم انتي غلطانه فيها وغلطانه في حقهم


كلام جميل
فيوتشر انتي اكيد عارفه فعلا مين اخد موقف منك ومنتظرة منهم رد فعل
حاولي فعلا تقعدي معاهم وتشوفي علشان النفوس تصفي بجد لان مفيش اي حاجة تستاهل الناس تخسر بعضها علشانها
avatar
زهرة الاسلام
.
.

انثى عدد الرسائل : 644
القسم : حاسبات
شخصيتك : بحب الهزار
الفرقه : الرابعه
المزاج :

http://www.elnaggarzr.com/

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف Amir elmo2mneen في الإثنين مايو 31, 2010 11:03 pm

انا ليا تعقيب بسيط علي الموضوع ده
الكلام اللي وصلني سيء لابعد حد
انا بس حابب الناس تعامل بعض احسن من كده
يعني انا لو شايف نفسي سابق سني وشايف ان اللي عاوز يدخل معايا المشروع اقل مني
مجرحوش لاي سبب من الاسباب مش اقوله انت متنفعش
صدقوني توفيق ربنا قبل اي حاجة انا كان ادامي ادخل يمكن فاكتر من مجموعة
وكلها كويس لكن ملقتش الراحة النفسية وده مش معناه اني اخسر حد فيهم ولا ازعل حد مني
بالعكس انا كنت ناوي اعمل مجموعة مخصوص انتصارا للناس اللي زعلت من اصحابهم ومش لاقيين مجاميع لكن ربنا مقدرش.

كلام للناس اللي عامله قلق لنفسها علشان مدخلتش فمجاميع
1-المشروع هيتعمل هيتعمل ان شاء الرحمن
2-مفيش حد مشروعه بيترفض او بيشيل مادة المشروع
3-المشروع ده مادة جديدة بنتعلم منها يعني مش تطبيق علي اللي خدناه فالكلية
لانه لو تطبيق عاللي اخدناه يبقي بتوع كنترول هيعملوا خط انتاج بالميكرو او البي ال سي
وبتوع برمجة هيعملوا ياما البنك او الطيارة (مش مشكلة لو هعمل مشروع فحاجة اول مرة اسمع عنها)
انا مثلا حابب اعمل ايمدج ريكوجنشن رغم اني مشتغلتش فيه قبل كده او fpga.
4-كل مجموعة معاها دكتور واكتر من معيد بيسعدوهم علشان يخرجوا شغل كويس وانت بتختار المعيد اللي فاهم فالمجال اللي بتعمل فيه مشروعك وبالتالي بيفرق معاك.
5- الافضل ان الناس تقسم نفسها بنفسها بدل مالدكاترة يدخلوا ناس اجباري فالمجاميع
وساعتها اللي عمل ناصح وقالك مش هدخل فلان معايا
هيلاقي فلان داخل معاه بعد ما اشتغل شهرين او اكتر
وبقي مطلوب منه كمان انه يفهمه كل اللي اتعمل خلال الشهرين
انا اعرف مجاميع في رابعة عددهم 18 لان الدكتور هشام دخل معاهم اعداد اجباري

يبقي مفيش داعي للناس تقلق من موضوع المشروع وركزوا فالامتحانات دي اهم
وبكرر الكلام تاني للناس اللي قلة ذوقها مع اصحابهم ياريت تعرف تعامل الناس ازاي
واللي يزعل مني يزعل لاني بجد الكلام اللي اتحكالي فور دمي

اسال الله العظيم ان يصلح الحال ويرجع الدفعة عاقلة تاني وبلاش الانانية اللي عند بعض الناس
سيادتك ياللي بتتامر مش بتعمل مكوك فضائي ولا مفاعل نووي
اسف اذا كنت انفعلت لكن اللي مرضهوش علي نفسي مرضاش بيه لحد و اللي اتحكالي مينفعش

وانا بقترح يكون في سكشن نتجمع فيه كلنا ونتكلم فموضوع المشروع ونشيل الحزازيات دي
وده لو احنا ناس عاقلة فعلا وعمليين
وكل واحد يقول انا محتاج لفكرتي كذا مبرمج وكام واحد تحكم وحد فاهم شبكات كده يعني
ويبقي في مشاركة حتي لو هنعيد تشكيل المجاميع تاني انا معنديش مشكلة لان المفروض نكمل بعض
والناس كلها ان شاء الرحمن هتشتغل لاني مظنش حد هيخيب علي اخر سنة وينام وميشتغلش

اسال الله العظيم ان يسدد الجميع
avatar
Amir elmo2mneen
.
.

ذكر عدد الرسائل : 668
القسم : حاسبات
الفرقه : الرابعه
المزاج :

http://www.way2allah.com

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف sharkawy في الإثنين مايو 31, 2010 11:23 pm

مشروع التخرج ده حاجة كويسة قوى للتعلم و الاستفادة مش عشان نتخانق !!

و بعدين يا جماعة محدش لسه عمل مجموعة و اشتغل و كده !! ممكن الواحد يشوف انه مش ممكن يكمل لأسباب و لكن اهم حاجة ميغلطش فى حد و خلاص و يتمنى لهم مشروع كويس

طبعا انا مش فاهم الموضوع اوى بس انا اعتقد ان الموضوع لسه مش محتاج خناق امال لو حد ساب المشروع بعد شهرين تلاته هتعملوا إيه !!
avatar
sharkawy
.
.

ذكر عدد الرسائل : 1303
الهوايات : football و graphics `
شخصيتك : طيب
المزاج :

http://www.55a.net

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف sharkawy في الإثنين مايو 31, 2010 11:37 pm

و ردا على امير


كلامك جميل جدا يا امير

لازم الناس تعرف ازاى تتعامل مع بعضها و المشروع ده فرصة للتعلم فلازم كلنا حتى لو فى مجاميع مختلفة نتعاون و الله يا جماعة احنا فى بلد متخافة و محتاجة لنا عشان نتقدم فاعتقد اننا لازم لازم نتعاون عشان على الاقل نبقى عملنا الى علينا

و فكرة " انا جامد " و مش عارف إيه ................ فكرة فاشلة و حتى يا عم لو كنت جامد ليه متعلمش الناس التانية و يكون كل شغلهم بعد كده فى ميزان حسناتك !

يا جماعة احنا مش فى شغل
الواحد عاوز يترقى فيه لا احنا فى كلية الهدف الاساسى منها إننا نطلع كويسين

انا مش هقول اكتر من كده و اتمنى ان كل واحد يحترم اخواته و ميعملش فيها عنتر زمانه .

و الله يا جماعة كم ادين للناس الى على المنتدى الى بيرفعوا المحاضرات و السكاشن و الناس دى ضحت بوقتها لتفيدنى و بتفيد الدفعة كلها و علمتنى معنى المشاركة و الحب و التأخى و انا اجد ان ده مش موجود فى دفعات تانية كتير جدا

فانا أشكر كل الناس على المنتدى و اطلب من الدفعة ان تكون شعلة نشاط و حب للتعلم و ان يكون هدفها هو رضا الله سبحانه و تعالى و ان يكون هدفهم الرقى بهذا الوطن المتخلف عن الركب بسنين بل بعقود .


فاصل و نواصل Very Happy

الواحد عاوز يعرف إيه الموضوع Surprised بس مش مهم لازم افتى فى اى موضوع Very Happy
avatar
sharkawy
.
.

ذكر عدد الرسائل : 1303
الهوايات : football و graphics `
شخصيتك : طيب
المزاج :

http://www.55a.net

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف H.zoro في الثلاثاء يونيو 01, 2010 8:33 am

انا قرات الموضوع كله ز.... وكان نفسي ارد بحاجه
بس مش عارف حاجه عشان ارد عليها

بس دايما لازم نقول ..." ان مع العسر يسرا.."
avatar
H.zoro
.
.

ذكر عدد الرسائل : 268
الهوايات : No comment
القسم : حاسبات
شخصيتك : في حالي
المزاج :

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف nogomi في الثلاثاء يونيو 01, 2010 11:19 am

تيت تيت تيت تيت تيت تيت
ايه يا جماعه مين اللى مزعلكم احنا اخوات قبل ما نكون قرايب فى القسم
وقدر الله وما شاء فعل
وزى ما زورو قال ان مع العسر يسرا
avatar
nogomi
.
.

ذكر عدد الرسائل : 135
القسم : حاسبات
شخصيتك : بحب الهزار
المزاج :

http://www.nogomi.com

الرجوع الى أعلى الصفحة اذهب الى الأسفل

default رد: سوء تفاهم

مُساهمة من طرف hamselmasaa في الثلاثاء يونيو 01, 2010 12:33 pm

انا مع حضرتك تماما يابشمهندس امير في اللي قولته
بس انا عاوزه اضيف حاجه الناس اللي فاكره انها
هتطلع صواريخ ومش عاوزه حد معاها اللي اتقاله كده
يقول انا اللي مش عاوزكم معايا وهعمل اللي ربنا يقدرني عليه
ومشروعي هيكون احسن مشروع ويكبروا دماغهم وربنا مش بيضيع
تعب حد باذن الله وكفايه بقى كلام لان الكلام في الدفعه دي عاد بيجيب الضغط والاعصاب
avatar
hamselmasaa
.
.

انثى عدد الرسائل : 311
القسم : حاسبات
شخصيتك : بحب الهزار
المزاج :

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى