عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
ويرجى العلم بأنه يمكنك الاطلاع على المواضيع دون التسجيل

شكرا
ادارة المنتدي

تكملة الدرس الثانى من دورة التحكم فى منفذ الطابعة وتطبيق عملى عليه

استعرض الموضوع السابق استعرض الموضوع التالي اذهب الى الأسفل

default تكملة الدرس الثانى من دورة التحكم فى منفذ الطابعة وتطبيق عملى عليه

مُساهمة من طرف alalbeet في الأربعاء سبتمبر 09, 2009 4:37 pm

السلام عليكم ورحمة الله وبركاته

آسف بجد انى إتأخرت عليكم بس والله مش بإيدى بس الحمد لله ادينا رجعنا تانى وهنبدأ نكمل الجزء

الشيق فى موضوعنا الجميل دة على بركة الله

المرة اللى فاتت سبتكوا عند ازاى نتعامل مع parallel port وبمعنى اصح عند ارسال

اشارة عليه والإستدلال عليها بإضائه led صغيرة

وعرفنا اننا لو هنخرج اشارة عليه يبقى معناها انها هتخرجلنا حوالى 5 فولت

انا عارف ان معظم الناس معملتش آخر حاجة اللى هى الشغل اللى كان على الفيجوال بيزك يمكن

علشان مشرحتهوش كويس بس يلا خير مش مشكله تعالوا النهاردة نعمله خطوة خطوة مع بعض علشان

مفيش حد يبقى عنده حجة انه مينفذش الشغل البسيط دة بإيدة بقى

عاوزين بس نؤكد ونتفق من الأول كدة اننا عاوزين نعمل برنامج فيه زرين لتشغيل وإطفاء led

ودة للبساطه مش اكتر وهنتعلم بعد كدة ازاى نعمل العاب جميله ببرامج تانية بإذن الله

يلا تعالوا ورايا نبدأ بسم الله الرحمن الرحيم :-

اول حاجة هنفتح برنامج الفيجوال بيزك واللى مش عندة الفيجوال بيزك انا بإذن الله هدورله على روابط

ليه بإذن الله وهحطها فى اقرب وقت
المهم هيظهرلنا صفحة زى اللى فى الصورة دى



بعدها هتتفتحلنا صفحة زى اللى جايه دى ومنها هنعمل منها الأدوات اللى هنستخدمها فى برنامجنا دة والأدوات اللى هنستخدمها هنا مش كتير عبارة عن أداة واحدة ونكررها مرتين كما فى الصور القادمة



ثم نكرر الصورة السابقة مرة أخرى لعمل زر آخر
وفى الصورة التالية طريقه تسمية كل زر من الزرين السابقين وسنسمى واحد بالإسم
Turn On
والآخر
Turn Off





ثم بعد ذلك نريد برمجة هذين الزرين او بمعنى اصح نريد عند الضغط على أول زر يقوم بإضائه led
وعند الضغط على الآخر يقوم بإطفائها

الموضوع غاية فى السهوله بإذن الله

نقوم بالنقر المزدوج على الزر الأول الخاص بالإضائه ستظهرلنا صفحة كالتى فى الصورة التالية



تعالوا معا نفسر ما معنى هذا الكود
الكود هو
Out &H378, 1

دلوقتى احنا عندنا داله اسمها
out

والداله دى المفروض نعرفها للبرنامج انها بتبعت للعنوان اللى موجود وراها القيمة الموجودة فى الآخر وفى حالتنا دى العنوان هو
H378

تعالوا نرجع للدرس الثانى ونشوف العنوان دة بيعبر عن ايه ونشوف الصورة دى



ايوة صح انا سامع حد بيقول انه بيعبر عن
Data Port

وكمان انا نبهت الدرس اللى فات على عنوانه وقلنا هنستخدمه الدرس الجاى والحمد لله ادينا استخدمناه

تعالوا بقى للرقم اللى بعد الكوما
","
دة هيدخلنا فى حته مهمه جدا ياريت بالله عليكوا تركزوا جدا فى الحته دى

الرقم دة عبارة عن
8bits
اى انه عدد متراوح من 0 الى 255

فمثلا اذا اردنا تشغيل جميع 8 اطراف الخاصه ب
Data Port
فسنتستخدم الرقم
Out &H378, 255

حيث ان الرقم 255 هو نفسه الرقم 11111111 ولكن فى النظام الثنائى

مثال آخر
لجعل pins
الأول والثانى والرابع والسادس مفتوحه

فنضع مكانهم واحد والباقى اصفار
الكود:
00101011

وياريت بعد الكلام اللى قلناه دة نرجع كلنا للدرس الثانى ونراجعه علشان انا مش هعيد الحاجات اللى مكتوبه هناك

دلوقتى بقى عاوزين نوصل
led
الموضوع والله سهل خالص

احنا عندنا طرفين لل
led
هنوصلهم زى الصورة دى بالظبط ودى صورة جميله جدا من الواقع علشان تعملوا زيها بالظبط



آسف والله بجد على التطويل بس يارب اكون وفقت فى عرض افكارى كامله

ياريت بجد اللى تقف قدامه اى مشكله يقولى وبإذن الله نفيد ونستفيد احنا مش علماء بس بنحاول نبقى حاجة ومش هنبقى حاجة الا لما نحط ايدينا فى ايدين بعض

والسلام خير ختام
السلام عليكم ورحمة الله وبركاته

alalbeet
.
.

ذكر عدد الرسائل : 46
القسم : *مش من الكليه*
شخصيتك : رومانسي أوي
الفرقه : الثالثه

الرجوع الى أعلى الصفحة اذهب الى الأسفل

default رد: تكملة الدرس الثانى من دورة التحكم فى منفذ الطابعة وتطبيق عملى عليه

مُساهمة من طرف M.M.F في الخميس سبتمبر 10, 2009 5:54 am

بصراحة موضوع جميل
بس للأسف الواحد مش interested قوى فى الكنترول بس موضوع Physical Programming
ده موضوع جميل وشيق
أكيد طبعا ممكن اتحكم عن طريق ال USB لأن مش عندى Parallel Port فى اللاب
===============================================
avatar
M.M.F
Moderator
Moderator

ذكر عدد الرسائل : 1345
الهوايات : Reading
القسم : حاسبات
شخصيتك : الدماغ العاليه
المزاج :

http://www.eng-mmf.com

الرجوع الى أعلى الصفحة اذهب الى الأسفل

default رد: تكملة الدرس الثانى من دورة التحكم فى منفذ الطابعة وتطبيق عملى عليه

مُساهمة من طرف alalbeet في الخميس سبتمبر 10, 2009 6:05 am

M.M.F كتب:بصراحة موضوع جميل
بس للأسف الواحد مش interested قوى فى الكنترول بس موضوع Physical Programming
ده موضوع جميل وشيق
أكيد طبعا ممكن اتحكم عن طريق ال USB لأن مش عندى Parallel Port فى اللاب
===============================================

اشمعنى انا بقى بدخل معاكوا فى جزء الإتصالات وبناقشك فيه يا بشمهندسنا

ههههههههههههههههههههههه

بهذر طبعا

(( اعرف شئ عن كل شئ ))

اولا شكرا جدا على مرورك الجميل دة ودة شئ يشرف موضوعى طبعا ان حضرتك ترد عليا فيه

ثانيا جزء USB دة بإذن الله فى مرحله متقدمة شويه من سلسلتنا لأنه بيحتاج شغل عالى شويه انا لسه بدور فيه

الف شكر يا بشمهندسنا

alalbeet
.
.

ذكر عدد الرسائل : 46
القسم : *مش من الكليه*
شخصيتك : رومانسي أوي
الفرقه : الثالثه

الرجوع الى أعلى الصفحة اذهب الى الأسفل

default رد: تكملة الدرس الثانى من دورة التحكم فى منفذ الطابعة وتطبيق عملى عليه

مُساهمة من طرف M.M.F في الخميس سبتمبر 10, 2009 6:23 am

ماهو ده المبدأ ( أعرف شئ عن كل شئ )
أنا كنت قرأت شوية عن الـ physical programming
بس كان بالسى شارب , بس بصراحة مطبقتش Smile
و كان فى سيشن فى الكات و طبقوا عملى قدام الناس Smile
==============================
الكتاب ده لبشمهندس أحمد جمال أكثر من رائع فى الـ physical Programming
http://www.kutub.info/library/open.php?cat=21&book=1824
و كنت قولت عليه فى كورس الويب و فى بعض الناس أخدوه
==============================
هو بصراحة الموضوع جميل و ممكن يطلع منه أفكار لمشاريع كثير
==============================
avatar
M.M.F
Moderator
Moderator

ذكر عدد الرسائل : 1345
الهوايات : Reading
القسم : حاسبات
شخصيتك : الدماغ العاليه
المزاج :

http://www.eng-mmf.com

الرجوع الى أعلى الصفحة اذهب الى الأسفل

default رد: تكملة الدرس الثانى من دورة التحكم فى منفذ الطابعة وتطبيق عملى عليه

مُساهمة من طرف رقيه في الخميس سبتمبر 10, 2009 6:24 am

جزاك الله خيرا
مقدما
(( اعرف شئ عن كل شئ ))

رقيه
.
.

انثى عدد الرسائل : 354
القسم : حاسبات
شخصيتك : شخصيتك...
الفرقه : الرابعه
المزاج :

الرجوع الى أعلى الصفحة اذهب الى الأسفل

default رد: تكملة الدرس الثانى من دورة التحكم فى منفذ الطابعة وتطبيق عملى عليه

مُساهمة من طرف alalbeet في الخميس سبتمبر 10, 2009 6:26 am

بالفعل الكتاب دة عندى وفى حاجات كتير بقتبسها منه فى سلسلة الدروس دى

هو الموضوع حلو وكل حاجة بس انا مش شايف تفاعل من الأعضاء خالص يعنى مفيش حد بيسألنى واحاول اجاوبه زى ما بيحصل فى مواضيع قسم اتصالات

والا علشان الدكتور احمد نظيف بقى اتصالات يظبطلكوا القسم بتاعكوا فى المنتدى

هههههههههههههههههههههههههههههه

واسطه بقى

يلا ربنا يكرمنا وحد يعبرنا ولو برد


alalbeet
.
.

ذكر عدد الرسائل : 46
القسم : *مش من الكليه*
شخصيتك : رومانسي أوي
الفرقه : الثالثه

الرجوع الى أعلى الصفحة اذهب الى الأسفل

default رد: تكملة الدرس الثانى من دورة التحكم فى منفذ الطابعة وتطبيق عملى عليه

مُساهمة من طرف alalbeet في الخميس سبتمبر 10, 2009 6:28 am

رقيه كتب:جزاك الله خيرا
مقدما
(( اعرف شئ عن كل شئ ))

الحمد لله حد رد عليا اخيرا

العفو يا بشمهندسه وياريت يكون الموضوع عجب الناس ولو مش عاجبكوا الأسلوب قولولى وانا بإذن الله هغيره علشان الموضوع دة مهم جدا جدا جدا جدا

alalbeet
.
.

ذكر عدد الرسائل : 46
القسم : *مش من الكليه*
شخصيتك : رومانسي أوي
الفرقه : الثالثه

الرجوع الى أعلى الصفحة اذهب الى الأسفل

default رد: تكملة الدرس الثانى من دورة التحكم فى منفذ الطابعة وتطبيق عملى عليه

مُساهمة من طرف M.M.F في الخميس سبتمبر 10, 2009 6:35 am


والا علشان الدكتور احمد نظيف بقى اتصالات يظبطلكوا القسم بتاعكوا فى المنتدى
ياإما أنت مش قسم حاسبات أو أنا اللى مش قسم حاسبات Smile , بس أنت كاتب مش من الكلبة Smile
=========================================
هو الموضوع حلو وكل حاجة بس انا مش شايف تفاعل من الأعضاء خالص يعنى مفيش حد بيسألنى واحاول اجاوبه زى ما بيحصل فى مواضيع قسم اتصالات
ده شئ وارد , بس ولاتشغل بالك أستمر و أنا هشجعك Smile , ولو عاوز اسئلة احتمال أسألك Smile
جايز حد يقرأ الموضوع بعد سنة فيستفيد Smile
=========================================
سؤال بسيط :
ياترى إيه المخاطر أو أيه أسؤ الأشياء اللى ممكن تحصل لو أخطأت فى البرنامج مثلا أو و انا بتعامل مع paralle port
يعنى هل ممكن ال mother board تبوظ ؟ Smile
========================================
avatar
M.M.F
Moderator
Moderator

ذكر عدد الرسائل : 1345
الهوايات : Reading
القسم : حاسبات
شخصيتك : الدماغ العاليه
المزاج :

http://www.eng-mmf.com

الرجوع الى أعلى الصفحة اذهب الى الأسفل

default رد: تكملة الدرس الثانى من دورة التحكم فى منفذ الطابعة وتطبيق عملى عليه

مُساهمة من طرف رقيه في الخميس سبتمبر 10, 2009 6:47 am

معلهش يا بشمهندس الناس مبتدخلش كتير فى الاجازه
واللى بيدخل يقرأويكبر دماغه وميشاركش
على راى واحده صاحبتى بتقول ان الناس على المنتدى فى الدراسه بيقوا زى النمل
وعشان نحسن الظن ،فى ناس عندها النت بيبقى فاصل
استمر حضرتك
جزاك الله خيرا

رقيه
.
.

انثى عدد الرسائل : 354
القسم : حاسبات
شخصيتك : شخصيتك...
الفرقه : الرابعه
المزاج :

الرجوع الى أعلى الصفحة اذهب الى الأسفل

default رد: تكملة الدرس الثانى من دورة التحكم فى منفذ الطابعة وتطبيق عملى عليه

مُساهمة من طرف alalbeet في الخميس سبتمبر 10, 2009 4:46 pm

M.M.F كتب:
ياإما أنت مش قسم حاسبات أو أنا اللى مش قسم حاسبات , بس أنت كاتب مش من الكلبة

معلشى بقى اعذرنى اصلى مش معاكم فى الكلية

=========================================
M.M.F كتب:
ده شئ وارد , بس ولاتشغل بالك أستمر و أنا هشجعك , ولو عاوز اسئلة احتمال أسألك
جايز حد يقرأ الموضوع بعد سنة فيستفيد

كلامك مظبوط يا بشمهندس وانا منتظر كل استفسارات بإذن الله
=========================================
M.M.F كتب:
سؤال بسيط :
ياترى إيه المخاطر أو أيه أسؤ الأشياء اللى ممكن تحصل لو أخطأت فى البرنامج مثلا أو و انا بتعامل مع paralle port
يعنى هل ممكن ال mother board تبوظ ؟
========================================

بسم الله الرحمن الرحيم

بص يا سيدى سؤالك مش بسيط ولا حاجة سؤالك فى غاية الأهمية جدا جدا جدا ويمكن دة اللى معطل الناس على انها تجرب (بحسن الظن بالناس)

المهم دلوقتى فى المثال بتاعنا دة بإذن الله مفيش اى حاجة ممكن تبوظ عارف ليه ؟

علشان احنا مستخدمناش اى مصدر كهربى خارجى

كل الخطورة فى التعامل مع منافذ الكمبيوتر هى انك تستخدم مصدر كهربى خارجى علشان ممكن يدخل على منفذ الطابعة ويحرقه ويحرق المربع الموجود فيه على الماذربورد وليس الماذربورد نفسها الا اذا استخدمت جهد عالى زى 220 فولت فبالطبيعى هتلاقى الكمبيوتر بيولع وللأسف الموضوع دة ملهوش حل علشان الماذربورد بتبقى مكونة من حوالى 6 طبقات او اكتر

انما حل المشكله الأولى وهى ان منفذ من المنافذ يبوظ دى سهله وممكن تتحل بس مش بالتصليح ولكن بالإستبدال بمعنى انى ممكن استخدم السيريال بورت بطريقه معينه علشان يشتغل منفذ طابعه ونفس الطريقه بالنسبة لل USB

نرجع لموضوعنا وهو ازاى احمى منفذ الطابعة دة او اى منفذ فى الكمبيوتر من اى جهد خارجى ؟؟

تعالوا الأول نتعرف ايه اللى يقدر يتحمله منفذ الطابعة :-

دلوقتى منفذ الطابعة دة تركيبه الداخلى من النوع TTL (Transistor Transistor Logic)

الجهود المسموح بتطبيقها : من 5.5 فولت حتى -0.5 فولت

التيار الكهربائى المار : لا يتعدى +-20ma

اقسى مسافه للسلك الرابط بين منفذ الطابعة واى جهاز خارجى : 10 متر

تعالوا بقى نشوف ايه الإحتياطات اللى نقدر ناخدها علشان نمنع حدوث الفوق فولتيه :-

نقدر نستعمل العوازل الضوئيه Photocoupler

ودى فكرتها جميله جدا وهى انها ليها ناحيتين معزولين تمام عن بعض وكل الرابط بينهم الضوء حيث يتم توصيل طرف منفذ الطابعة بدايود مشع فيشع ضوء فيستقبل هذا الضوء ترانزستور مستقبل للضوء موصل بالجهاز المراد توصيله بمنفذ الطابعة وبهذا لن يكون هناك ربط كهربى بين الطرفين وهنا تأتى الحماية

نقدر نستعمل Relays

بس دى التعامل معاها بحساب وهنذكرها بعد كدة ازاى نتعامل معاها بحرص

نقدر نستعمل Power buffer

ودى عازل بين الطرفين الموصلين بيها

فى بقى كمان طريقه بس هى مش بتشتغل الا مع التطبيقات الصغيرة جدا وليها عيوب كتير وهى انى استخدم دايود على طرف كل منفذ من منافذ الطابعة وبكدة هيعدى تيار فى اتجاة واحد بس زى الصورة دى



يارب اكون قدرت ارد على سؤالك وانا جاهز بإذن الله لأى استفسار آخر

alalbeet
.
.

ذكر عدد الرسائل : 46
القسم : *مش من الكليه*
شخصيتك : رومانسي أوي
الفرقه : الثالثه

الرجوع الى أعلى الصفحة اذهب الى الأسفل

default رد: تكملة الدرس الثانى من دورة التحكم فى منفذ الطابعة وتطبيق عملى عليه

مُساهمة من طرف tarek shata في الجمعة فبراير 11, 2011 10:51 pm

اولا اشكر المنتدى الرائع واحيى القائمين علية
ثانيا-احيى الاخ على المعلومات الجميلة وسائل بسيط الديرة الى انت عملتة ممكن تشغل مجموعة المواتير الى فى ماكينة cnc
avatar
tarek shata
.
.

ذكر عدد الرسائل : 1

الرجوع الى أعلى الصفحة اذهب الى الأسفل

default رد: تكملة الدرس الثانى من دورة التحكم فى منفذ الطابعة وتطبيق عملى عليه

مُساهمة من طرف intropy في السبت فبراير 01, 2014 9:29 pm

الله يبارك فيك و بامثالك الموضوع جمييل جميل جدا و انا كنت ادور عليه بجد و اشكرك كثير بس سؤال لو سمحت ممكن انو بنفس الطريقة نعمل input للمعلومات و كيف اي انه نعمل feed back  عشان نعرف انو المنظومة المراد التحكم بها اشتغلت او لا بصراحة الموضع كثير بيهمني و اعتقد انه فيه فايدة عظيمة و شكرا
avatar
intropy
.
.

ذكر عدد الرسائل : 1

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى