Google Reader لــمــن لا يـعرفـــــه

السلام عليكم

موضوع بسيط لمن لايعرف Google Reader

بندخل على مواقع كتير و بنتابع أكتر من موقع يوميا علشان نشوف الجديد وايه
و دى طبعا مشكلة فى حد ذاتها ان الواحد يعمل اللفة المعتادة بتاع كل يوم ع المواقع الكتير اللى بيتابعها

وعلشان كده ظهر حاجة إسمها RSS
و دى اختصار لـ
Really Simple Syndication
و أحيانا يطلق عليها
Rich Site Summary
من الأخر , ده نقدر نقول انها تغذية بتيجى من الموقع بتحتوى على خلاصات الجديد من الموقع
بمعنى , لو انت متابع ال rss لموقع معين ,, و صاحب الموقع اضاف موضوع جديد , هيوصلك خلاصة عن الموضوع ولينك له و كده
و هكذا لو انت متابع أكثر من موقع , تقدر تشوف الجديد بتاعهم من مكان واحد بس
طيب إزاى ؟

أولا لازم يكون عندك حساب على Google Reader
و دى خدمة مجانية من جوجل لقراءة ال RSS
ثانيا ادخل على الموقع اللى حابب تتابعه , و دور على كلمة Rss او ايكون زى دى كده




خد اللينك كوبى و روح على Google Reader
و اعمل Add Subscription
بس , وهكذا مع كل المواقع اللى بتتابعها
و بكده تقدر تتابع كل المواقع اللى بتحبها من مكان واحد بس وهو  Google Reader

و للتوضيح أكثر :
الفيديو ده بيشرح بكل بساطه Google Reader


لمزيد من المعلومات :
http://en.wikipedia.org/wiki/RSS
http://www.google.com/help/reader/tour.html

# و ده rss بتاع موقع الجزيرة
http://www.aljazeera.net/AljazeeraRss/Rss.aspx?URL=RSS-Portal.xml

# لو فى اى حاجة مش واضحة او غريبة ,, لا تترد فى السؤال

و السلام عليكم

اولا شكرا يامحمد على الموضوع الجميل ده
وانا كنت حابب اضيف اضافه
اننا ممكن نستخدم google reader
كمدونه يعنى اى موضوع يعجبنى ممكن اعمله مشاركه واى حد يدخل على عنوان الgoogle reader
الخاص بيا يقدر يشوف المواضيع اللى انا عامل لها مشاركه
وبصراحه دى ميزه قويه من مزايا google reader

pro.eng كتب:اولا شكرا يامحمد على الموضوع الجميل ده
وانا كنت حابب اضيف اضافه
اننا ممكن نستخدم google reader
كمدونه يعنى اى موضوع يعجبنى ممكن اعمله مشاركه واى حد يدخل على عنوان الgoogle reader
الخاص بيا يقدر يشوف المواضيع اللى انا عامل لها مشاركه
وبصراحه دى ميزه قويه من مزايا google reader

ده انت ممكن تعمل , مشاركة
او تضيف كومنت ,, او حفظ للمفضلة فى الموقع
امكانيات كتير

فلوريندا كتب:فعلا حاجه ممتازه جداً
وهتوفر كتير أوى سواء من وقت ومجهود
ماشاء الله الناس دى بتفكر كدا ازاى وفى وقت قياسى جدا
ربنا يكرمنا كده ونوصلهم
جزاك الله خيرا يابشمهندس موضوع مفيــــــد جداً

هو فعلا فكرة كويسة جداا ومن زمان و هو موجود
كل الحكاية ان التكنولوجيا بتمشى بسرعة الصاروخ وكل يوم بيظهر حاجة جديدة
واحنا راكبين حمار ( لا مؤاخذة ) و عاوزين نحصلهم
فلازم نتخلص من الحمار ده