عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
ويرجى العلم بأنه يمكنك الاطلاع على المواضيع دون التسجيل

شكرا
ادارة المنتدي

ماهى الـ Cookies ؟

اذهب الى الأسفل

default ماهى الـ Cookies ؟

مُساهمة من طرف M.M.F في الأحد يونيو 28, 2009 3:23 pm

السلام عليكم ورحمة الله وبركــاته Smile

مقدمة :
اكيد سمعنا عن الكوكيز و أكيد فى ناس كتير عارفاها كويس .
و اكيد كلنا لما بندخل موقع ونعمل تسجيل الدخول ( وتعمل صح على تذكرنى ) ,, لما تدخل الموقع تانى بيكون عارفك
و اكيد برده , لما بتحول جوجل من العربى للأنجليش او العكس , تدخل مرة تانية تلاقى جوجل على حسب ماانت اخترت اخر مرة ( سواء عربى او انجليش )
الموضوع كله متعلق بالـ كوكيز .


ماهى ال Cookie ؟
هى عبارة عن ملفات نصية ( يعنى مش برامج او باتشات ) بيرسلها الموقع اللى بتدخل عليه للمتصفح بتاعك علشان يحفظها عندك ع الجهاز .
الملفات دى بيكون فيها معلومات عنك . المعلومات دى لما الموقع بيحتاجها بيطلبها من المتصفح .

مثلا جوجل :
لما تحول جول من انجليش لعربى , ايه اللى بيحصل ؟
جوجل يبعت ملف كوكيز للمتصفح بتاعك , الملف ده بيحتوى على شوية معلومات منها انك اخترت ان جوجل يبقى عربى
لما تدخل تانى على جوجل بعد كده , جوجل بيطلب ملف الكوكيز من المتصفح و يقرأ اللى جواه فيلاقى انك كنت عاوز جوجل عربى فيعرضه ليك كده
.

طبعا المعلومات داخل ملفات الكوكيز , بتختلف من موقع لأخر .
و طبعا كل موقع مش ليه الحق غير انه يطلب الملف بتاعه بس , يعنى مينفعش موقع يشوف الكوكيز بتاع موقع تانى.
و الاجمل من كده , ان كل متصفح ليه مكان بيحفظ فيه الكوكيز بتاعته , ازاى ؟
يعنى انت ممكن تدخل على منتدى بأكثر من مستخدم عن طريق اكثر من متصفح , و كل متصفح فى كوكىز من نفس المنتدى بس الأختلاف فى البيانات اللى فيها.


كيف تعمل الكوكيز ؟
لما بتطلب تشوف موقع معين , المتصفح بتاعك بيرسل بيانات الى الموقع ( الآى بى بتاعك , نوع المتصفح , نظام التشغييل , ويبحث المتصفح عن ملفات الكوكيز الخاصة بالموقع وان وجد يرسلها له مع الطلب.
- يستطيع الموقع عند استلامه الطلب انه يستفيد من الكوكيز المرسلة ( مثلا عرض وقت اخر زيارة لك , تظبيط الخيارات المفضلة لديك , تسجيل الدخول التلقائى ,..... الخ) و بإمكان الموقع التعديل فى الكوكيز الخاصة به
او حتى حذفها .


ملحوظات:
- ملف الكوكيز بيكون مرتبط بوقت معين , و ده اللى بيحدده الموقع او بمعنى اصح مبرمج الموقع ( يعنى بيحدد ان ملف الكوكيز ينتهى صلاحيته بعد يوم , اسبوع , سنة , براحته )
- و طبعا بما ان الملف بتاع الكويكز ده عندك فممكن بكل بساطة تمسحه.
- طبعا بكل بساطة ممكن تخلى المتصفح بتاعك يرفض الكوكيز خالص او يرفضها من مواقع معينة.


هل الكوكيز آمنـــــة ؟
- لو حد دخل عندك ع الجهاز وسرق الكوكيز او اخد ملف الكوكيز و نقله عنده فى مكان الكوكيز بتاع المتصفح بتاعه , هيدخل كأنه أنت Smile
- لو حد بيتجسس ع الشبكة و بيراقب البيانات المارة ع الشبكة ,, ممكن بكل سهولة يشوف القيم بتاع الكوكيز و ينقلها و يعمل ملف عنده ع الجهاز ويدخل ع الموقع كأنه أنت Smile ودى ممكن تتحل عن طريف عمل اتصال مشفر.
- او عن طريق حركة جامد جدااا , وهى
ان شخص مثلا على منتدى يعمل لينك ظريف برئ و بيقولك اضغط هنا ( ويقول ده موقعى او موقع جميل و كده ) , اللينك ده بكل بساطه فيه كود جافا سكريبت بياخد البيانات اللى فى الكوكيز
و يبعتها لموقع تانى علشان يحفظها عنده و ده بنسميه XSS او Cross Site Scripting
- طبعا لو انت عامل ( تذكرنى ) لمنتدى معين , المنتدى بينزل عندك كوكيز ( عادة بيكون فيها الاسم والباص المشفر ) , وبما ان الكوكيز عندك ممكن تغير الأسم مثلا
و تدخل ع الموقع , هتلاقى الموقع عمل تسجيل دخول عادى ويقولك أهلا فلان ( الأسم الجديد اللى غيرته ) , وده بيكون عيب من المبرمج .
- وبما ان مدير المنتدى مستخدم عادى برده زى اى حد بس بصلاحيات اكبر , فممكن تعدل ملف الكوكيز بتاعك و تغير الأسم لإسم مدير المنتدى , و الباص المشفر لو عرفت تخمنها بطريقة ما
فهتدخل المنتدى كأنك المدير و بصلاحيات المدير و مبروك عليك المنتدى Smile
# وطبعا خليك فاكر ان مفيش نظام أمنى خالى من الثغرااااات Smile

لمزيد من المعلومات :
http://en.wikipedia.org/wiki/HTTP_cookie
http://tech.spmmf.com/2009/06/session-vs-cookie/

# الموضوع الأصلى هنا :
http://tech.eng-mmf.com/2009/11/what-is-cookies/

# لو فى اى حاجة مش واضحة فى الموضوع , لاتتردد فى السؤال.

بالتوفيق ان شاء الله Smile


عدل سابقا من قبل M.M.F في الجمعة نوفمبر 06, 2009 12:47 am عدل 5 مرات
avatar
M.M.F
Moderator
Moderator

ذكر عدد الرسائل : 1345
الهوايات : Reading
القسم : حاسبات
شخصيتك : الدماغ العاليه
المزاج :

http://www.eng-mmf.com

الرجوع الى أعلى الصفحة اذهب الى الأسفل

default رد: ماهى الـ Cookies ؟

مُساهمة من طرف pro.eng في الأحد يونيو 28, 2009 4:22 pm

احنا مش عارقين نشكرك ازاى على المعلومات الجميله دى
مصر مش هتنسالك الجميل ده يامخمد

pro.eng
.
.

ذكر عدد الرسائل : 742
القسم : حاسبات
شخصيتك : الدماغ العاليه
الفرقه : الرابعه
المزاج :

http://ashraf7amdy.blogspot.com/

الرجوع الى أعلى الصفحة اذهب الى الأسفل

default رد: ماهى الـ Cookies ؟

مُساهمة من طرف M.M.F في الأحد يونيو 28, 2009 4:37 pm

pro.eng كتب:احنا مش عارقين نشكرك ازاى على المعلومات الجميله دى
مصر مش هتنسالك الجميل ده يامخمد
Smile , ربنا يخليك ياأشرف
تحيا مصر Smile
avatar
M.M.F
Moderator
Moderator

ذكر عدد الرسائل : 1345
الهوايات : Reading
القسم : حاسبات
شخصيتك : الدماغ العاليه
المزاج :

http://www.eng-mmf.com

الرجوع الى أعلى الصفحة اذهب الى الأسفل

default رد: ماهى الـ Cookies ؟

مُساهمة من طرف eng_aai في الأحد يونيو 28, 2009 6:33 pm

انا كنت اعرف شوية حاجات بسيطة عن الكوكيز قبل كده
بس فعلا حضرتك ضيفتلى كتير يا بشمهندس
ربنا يكرمك ويجزيك خير
avatar
eng_aai
.
.

انثى عدد الرسائل : 579
الهوايات : programming
القسم : حاسبات
المزاج :

الرجوع الى أعلى الصفحة اذهب الى الأسفل

default رد: ماهى الـ Cookies ؟

مُساهمة من طرف hala في الأحد يونيو 28, 2009 10:13 pm

جزاك الله خيرا المعلومات مفيده جدا
avatar
hala
.
.

انثى عدد الرسائل : 535
الهوايات : الكمبيوتر
القسم : حاسبات
شخصيتك : بحب الهزار
المزاج :

الرجوع الى أعلى الصفحة اذهب الى الأسفل

default رد: ماهى الـ Cookies ؟

مُساهمة من طرف bdbd في الأحد يونيو 28, 2009 10:59 pm

جزاك الله خيرا على المعلومات المفيده
avatar
bdbd
.
.

انثى عدد الرسائل : 2040
القسم : حاسبات
شخصيتك : مقضيها
المزاج :

الرجوع الى أعلى الصفحة اذهب الى الأسفل

default رد: ماهى الـ Cookies ؟

مُساهمة من طرف زهرة الاسلام في الخميس يوليو 02, 2009 7:53 pm

اول مرة اعرف المعلومات دي

جزاكم الله خيرا علي المجهود بجد وربنا يوفق حضرتك دايما

وفي انتظار المزيد من المواضيع القيمة دي


-سلام عليكم
avatar
زهرة الاسلام
.
.

انثى عدد الرسائل : 644
القسم : حاسبات
شخصيتك : بحب الهزار
الفرقه : الرابعه
المزاج :

http://www.elnaggarzr.com/

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى